AKTIVITÄTEN 
 CHRONIK 
 ORGANE 
 JAHRESPLAN 
 KONTAKT 
SAV-Logo
Zurück zur Begrüßungsseite
Schwäbischer Albverein
Ortsgruppe  Pliezhausen
Unser Informationsangebot fördert

 
Ein Pliezhäuser und zwei Albvereinler
Von Irmgard Münzinger, Pliezhausen, anläßlich der Einweihung des Zwei-Eichenturms im Jahre 1930
 
Zwoi Albvereinler laufet durchs Ort,
's fällt hie und do a anerkennend's Wort
über d' Häuser, Gärta, Felder;
doch erscht bei de "zwoi Eicha" droba
duat d'r Karl und d'r Jakob d' Aussicht so loba.
A Pliezhäuser Ma kommt au derzua,
's lot dem liaba Ma gar koi Ruh,
er muaß jetzt au sei Sächle saga.
 
"Dui Aussicht ischt schö" sait der guat Ma,
"se ischt reacht schö, ma ka nix aussetza dra.
Doch wartet no, ihr guarte Manna,
bis onser Aussichtsturm, selt hanna
stoht er, bis der Turm ei'gweiht ischt,
des geit a Fescht, kotz Heidablitz.
Do siht ma dia Berg ond Täler so fei,
no viel schöner als onta muaß d' Aussicht sei.
 
'S hot viel Müh' kostet, bis soweit ischt gwea,
d' Leut hent des älles eig'seah,
und hend mitgholfa, so guat's ischt ganga."
Deam Karle wirds a bißle domm afanga.
Er frogt jetzt den Pliezhäuser Ma:
"Woher kommt des Geld zom Turm denn, ha?"
"Viertausend Mark d'r Albverei hot g'stiftet,
mir hend fei onsere Kappa g'lüftet,
ond hend ons feierlichst bedankt.
 
Des hat natürlich no lang et g'langt.
No hent m'r Spenda kriagt, en netta Haufa.
Wia send dia Sammler do schnell glaufa,
jetzt isch des Geldle beinoh henna.
's übrig muaß zahla d' Ortsgrupp' Pliezhausa.
Do müaßet dia Sammler schau no laufa!
Aber g'schafft hent mer's, ond uf des send m'r stolz,
d'r Pliezhäuser ischt nämlich aus zähem Holz.
 
Ond wenn am 6. Juli d'Eiweihung wird sei,
no lad i Euch alle recht herzlich ei.
Ond brengt au Bekannte mit aus Dorf ond Stadt,
an jeda, mo a Freud am Albverei hat.
's ischt a Verei, i kann's et hehla,
dear duat d'Natur ond Konst au pflega,
do goht's au lustig zua ond dennoch fei.
We et em Albverei ischt, tret' no glei ei!
 
Schwäbischer Albverein Ortsgruppe Pliezhausen
SAVOP-Logo
Stand: Februar 1998 
Geschäftsstelle  SAVOP@albverein.de
Webdesign by
Gunnar Wolf